Merry Christmas

Sorry呀! 久等了, 我呢個月都好忙, 都冇好好咁update過我呢個blog! 我從來都未試個會過一個好忙既12月, 慶祝生日啦, 返學啦, 交兩份assignment啦, 上律師樓啦, 準備去旅行既schedule啦, 明天又出發去旅行啦....

食左好多餐生日lunch & dinner呀.... 唔肥都假, 我諗去埋旅行返黎唔肥5磅就奇..... 去完旅行返黎要好好咁做下運動先得!

aiya, 去完旅行返黎4號仲要考試, 好彩公司放假放到4號先返工, 咁我就可以1月1-3日係屋企閉關溫書了! auditing..... 好難呀.... good luck for me lar~~

Dinner @ Sawadee Thai

佢地都係好耐冇見既老朋友了, joey & kambo, 生日個晚就同佢地食dinner勒!

今次經朋友介紹, 我地去左呢間"泰屋", 地方好大好靚, 又舒服, 價錢同食物質素唔成正比家!! hehe, 質素>價錢!!

同呢兩位老朋友傾左好耐計, 只係講ITC既趣事, 都已經夠我講足一晚, KAMBO早走左, 你走運了! 哈哈!

p.s. 下次可以再去!

Happy Birthday to Me

估唔到公司會買個cake比我, 個個同事都話我好彩, 因為舊年d同事都冇生日蛋糕啦架, 我係第一個, x'mas party又抽到獎.... 唔通我真係有運行??

Thanks Emma

多謝 mama~~

我可以帶湯或者糖水返公司啦~ 哈哈!

諗起我因為趕時間所以掉低左你係delifrance, 真係好過意唔去... 無辦法啦, 因為我已經唔係你ITC返工了 :(

下次都係唔好去delifrance食啦~ 雖然真係好好味, 不過真係好多人又耐, 時間好趕呢~ 不過你仲勁啦~ LUNCH食左2個鐘, 哈哈

Anyway, 你呢份禮物好warm呢! kakaka

Thanks Monkey

哈哈~ 今次都係anna sui既化妝袋呀! 多謝monkey~~ 雖然今次生日收左兩個anna sui既化妝袋, 不過我都係咁鐘意, 我會諗方法用左佢既~~ 哈哈~ 因為係anna sui也嗎!

上星期日同monkey, 小慧同埋wolf去左TST食buffet, (忘記影相添), 叫做"松屋", 我初時覺得個名好熟, 到埋單既時候收到張6折既VIP咭, 先知原來就係我以前公司美銀樓下既日本料理!

不過6折真係好抵呀, 要幾錢我就唔係好清楚了, 但我諗6折之後每位百幾蚊啦, 任食喎!! 有sashimi, sushi, 燒物.... 嘩, 好多野食家!!

下次同你地去也 :p

Anna Sui 呀!

多謝你既生日禮物呀~~ christine~~

你果然有定期睇我既blod也吓!! 乖! 哈哈
我會打埋佢去日本架啦~

無言感激.......

X'mas party

感覺係未好似"宮"呢? haha

上星期五, 我地MITSUI HK係Ritz-Carlton擺左16圍, 搞左個x'mas party!

我用左我半桶水既日文, 同一個由深圳落黎既日本人同事傾下計~~ 呀! 日文真係好難呢~~

當晚我最開心既係, 係我無預期既情況下, 抽中左一部portable dvd player! 初時叫我個number既時候, 我以為自己聽錯係ninety, (我的是19號), 但佢叫埋我個名既時候~ woo, 係我呀! 多謝晒!

世紀海景酒店

我同janis上星期四晚去左西環既世紀海景酒店食buffet.

嘩~ 我諗自我懂性開始, 應該從未黎過西環呢個地方... 我同janis由金鐘坐丁丁到西環, 落左車之後, 感覺好似去左深水步區, 感覺好得意, 有點怪, 但又好似返左去以前細個返學既感覺!

多謝janis請我食buffet呀! 雖然酒店既食物唔係特別好食, 普普通通啦! 不過都比我見識到咩叫"火焰雪山", 哈哈!

P.S. Janis = 余詩曼 = 楊怡 :p

Congratulations! Ann!!

好得意呀! 我覺得呢份小禮物真係好好, 唔會再係水晶或者係soap, 好特別呢!

ANN, 你好靚呀~ 好似個小公主呀! 有相記住比我地啦~

個晚我地成班ITC坐滿一圍, ANN, 係未你專登安排我地坐埋一邊, 等我地自成一角架? 不過我地坐係一角, 真係好好多, 因為我地真係好嘈呀! 哈哈, 無可否應, 我地痴埋一齊, 就會嘈喧巴閉呢~ 搞到d waiter 都唔敢行埋黎, 隻乳豬上得幾遲也~ 我啦, viann啦, 同埋syron笑到個waiter分乳豬既時候手陣陣, 要中途換人.... 唔好意思呀, 失禮了:p

見到Ann結婚, 真係有d羨慕, 我會係度諗, 幾時到我呢? 不過我知一定有排啦~ 我要求高也嗎! 哈哈! 其實又唔會太高既, 係麻煩咁羅~~ 最主要係第一眼既感覺, 之後有冇令我心跳加速, 之後就係佢個人既性格咁啦! 哈哈, 要求都幾多喎, 要過三關! haha! 我會比心機架啦~

秋季BBQ

我地今次就去左小欖燒烤樂園BBQ!

雖然真係山長水遠, 不過我可以好肯定同你講, 係值得既! 因為個度比起龍鼓灘更靚! 天公造美, 天氣唔會太熱, 又冇落雨, 我都話天文台係唔準家啦~~

我地一行7大1小, 大家都害怕遲到者死呢個咀咒, 都算係好準時1400到達荃灣地鐵站. 今次既秋季旅行, 一來係滿足一下我地呢班為食鬼, 二來就係同Cartier慶祝佢既牛一, 生日快樂!!

另外令我難忘既係, 我好欣賞寶寶呀! 兩點幾三點先開始燒, 但係佢四點就走羅喎, 我問佢點解都會黎, 佢既答案係: "應承左點都黎啦!" 我諗我可能都做唔到了.... 佢仲要住柴灣喎~~

講返個BBQ場先啦~ 我地係警察宿所個站落車, 之後沿著斜路向下走... 轉了個彎, 嘩~ 一個字 "pro"! 個BBQ場可以容納過千人啦~ 有電視, 有風扇, 我同maymay一坐底就猛燒猛燒, 由三點食到八點, 冇停! 哈哈! 所以我都冇落個海灘行啦~ 不過個天真係好靚!

原來maymay都可以好食得~ 有伴啦~ christine你要努力啦~ 哈哈! 我地大食?? 有冇搞錯??!! 我地兩個一成都未有你地一個二個飽到停晒手???!! 唔得! 下次再黎過!!

意大利空運到港的栗子

點解影到反晒光家?? :p

和民のレモン味香薰

呢樽係上次同"補習老師"係和民食dinner既時候送既

都幾靚也~~

My Bonus, My Boot

我用左公司比我既bonus, 係cour carre買左呢對boot

靚唔靚先? 不過原先我睇佢個封我唔係咁鐘意家

我係睇中第二對既, 不過試左又唔係好睇

呢對係個sales推薦既, 著落又好睇喎...

其實做人係未應該

唔係傷害到人又傷害到自己既情況下

每樣都去試

可能有意想不到既好事呢?!

殘酷的mid-term

雖然mid-term已經結束, 但我同我的同學都要返屋企流三公升眼淚, 我可以用四個字來形容我既心情---> 死路一條

四條有兩條係識答.... 至少我認為啦, 幸好有"補習老師"幫我溫下個條control environment & control activity, 如果唔係要我自己溫, 一定睇完又唔記得..... 跟住有條就係appointment & removal of auditor啦~ 咁就要多謝ITC了, 個一年冇白廢過啦~ 基本上份notes睇一次都可以答到題目, 至於剩低個兩條...... 唔好題勒!

好啦~ 休息一個星期, 先努力再開始溫習啦~ 我相信每日當佢好似harry potter咁睇, 不斷重複咁睇, 點都會記得既~ 係未?!

ANNA SUI到啦~

把傘同條裙都好靚呀!

好靚既袋呀..... 第二張中間黑色個個好鬼死靚啦~

袋呀袋呀袋呀 銀包呀銀包呀銀包呀

BOOT呀~~ 我好鐘意呀.....

好型, 好正!!

絛毛毛頸巾好靚喎

全部都好靚呀~~ 我要~~

星期日就Mid-term啦~

好徬徨既一科 - Auditing.... 唉~

朋友向我說, Auditing好易者, 睇左theory, 再吹水就得啦~ 但係又有朋友考左兩三次先pass.... 雖然今次亞sir終於屈服, 星期三比左tips, 距離星期日只得三日時間, 點溫得切呢? 要看要背有幾十頁, 整個星期都好夜瞓呀! 最早0100, 最夜0230... 又再次試過搭MTR企係度都瞓著.... 不過溫左咁耐, 都唔知讀左咩, 所以今日約了朋友去中環既和民食晚飯, 一邊講一邊食, relax下, 我地都食左成三個鐘呵~ 不過可能太攰了, 連我既朋友都見到我真係一個好攰樣~~ 呵呵! Thanks & Sorry, 精神欠奉, 希望下次唔會啦~ 食dinner 當中, hehe, 我都唔執輸羅份notes出黎, 等佢教下我啦~ 其實我都覺得唔係咁好意思, 平時返工都忙了, 放左工食餐飯都要睇咁多字, 又講解.... 係千萬個咁好意思之中又帶無盡既感激, 縱使解釋完後依舊不太明白, 但感覺比起亞sir講的都明白多點, 唉! 唯有update下呢個blog, 之後就早d瞓, 聽日就最後"沖廁"啦!

下星期先再update啦~ 不過都可以黎聽下歌啦~

澳門可以靚到咁

http://www.fotoc.com/studio/dado/macau/welovemacau/

同cookie行街街

今日終於可以同cookie行下街街, 佢今次乖左好多呀! 佢吠我都只係有兩個原因: 1) 快d行啦 2) 抱我啦!

哈哈! 行左10分鐘, 佢已經累得吠我要我抱! 佢好叻呀! 咁耐冇行個樓梯, 佢毫不猶疑就行了! 叻女! 諗住同佢行下大公園, 不過未到佢已經累了! 唔緊要啦~ 慢慢練習返就可以行得多d架啦~

Lamma Island 半日遊

嘩~ 我真係好鐘意住村屋, 有露台, 地方有實用!

今日黎到stella既屋企, 坐低冇耐已經開始有睡意, 太relax了! 呵呵!

我同emma今日1點左右就入到去lamma island, 搭船都好快呀, 25分鐘就到, 好快呀! 離開碼頭, 空氣愈來愈清新, 有好多大狗係條街到, 但佢地都好乖的, stella話今日唔算太多遊客, 我話梗係啦, 因為我入左黎也嗎! 哈哈!

stella 帶左我地去食印度咖哩Spicy Island, 都ok家, 不過stella話set dinner會好味好多~ 下次有機會再食啦~, 但我又想試下土耳其卡巴&南島書蟲喎.... 食唔食得晒呢?

之後我地食飽行左陣又去食"阿婆豆腐花", 真係滑d家喎!! 好味! 不過食得好飽, 飽得制.....跟住又行左陣, 先再去stella既屋企.

如果第時有機會, 要租屋住既話, 呢度真係幾好家~ 不過份工轉埋去IFC返就更好了! 呵呵! 打風又有借口唔出黎喎, 正! 哈哈!

Stella, 多謝你陪左我地一日呀! 臨走係碼頭分手既時候都好唔捨得.... 所以我都再掉轉頭望多你一眼, 哈, 你又仲未走睇住我地喎~~ 下次再見啦~~ 快樂既時光永遠都過得好快, 好似仲未講夠咁... 其實今日我都欠缺精神, 因為我一早7點幾8點就起左身了! 下次我唔會架啦~~

P.S. 記得食晒我地買比你既野食呀! HAHAHAHA

忙碌的十一月

呢個11月都算忙呢~ 原因係以為今次呢個semester讀一科就舒服好多啦, 點知仲難過兩科一齊讀, audit始終都唔係計數, 真係難到我... 仲要亞sir比既notes係incomplete既, "各位同學, 你地都係買本書睇啦, 我既notes係唔夠你地去考試架!" DAMN!!!! 我邊度仲有時間同你睇書呀??!! 唔洗返工呀... (sorry呀! 粗魯左少少 :p) 11月中就要交功課又mid-term了, 做唔做得到, 又溫唔溫得切呢?

總算我既秋季小旅行(去macau)已經係又延期又提早既情況下順利完成, 不過, 冬季旅行又要密鑼緊鼓地進行! 上網搵行程啦, 最麻煩就係要print, 我部腦真係好慢, 又行lan, 所以慢上加慢, 終於今晚我已經print晒要既行程出黎, 聽晚先再慢慢睇...
Yeah~ 呢個星期終於可以入lamma island啦! 我同mama都由夏天等到秋天了~~ 呵呵! 我都唔記得有幾耐冇去過lamma island lu... 可能去左都唔記得, 因為我成日覺得, 搭船離開香港島, 就係同一個地方 :p

秋高氣爽, 最好就係BBQ啦~ 我一提出呢個suggestion, 就有朋友和議了~~ 果然冇識錯你地也下, 有效率, 即晚已經通知我幾多號去, good!!! 要我搵地方, 唔洗騰, no problem! check 下你地既email啦, 我已經send左幾個地方比你地睇, 唔ok再話我知啦! 哈哈, 真係好開心哦~~

To Winnie

winnie呀! 你未想睇我既相既~~ 我upload左啦~~ 睇唔睇到呀??!!

澳門一日遊

今次同Emma去澳門一日遊, 好玩, 又好累, 原因係我出發前個晚2點先瞓, 何解? 皆因出發前一日下午先開始search去澳門的野, 對於我呢個要organized的人黎講, 唔睇定會唔安樂!

好好笑呀! 我地搭的士既時候個司機竟然同我地睇相! 我以家有三四個男朋友?! 唔係呀? 何來之有? 我諗唔到身邊有邊幾個喎~~ 諗死我!

不過今次個tour好多驚喜~ 以前去Macau係朋友帶, 今次我做一個未做足資料搜集既guide, 有d緊張! 好彩澳門人都係講廣東話, 路在口邊呢~ 我發現澳門人好nice, 好熱情! 好有人情味! 我比較喜歡氹仔同埋路環, 因為個度冇新馬路個邊咁多人~~ relax

P.S. 係氹仔向一行三人既小朋友問路, "我想問點解個邊又係天后廟, 個個又係天后廟, 邊個先係天后廟?" 小朋友A: "唔係! 個個係八婆廟" 小朋友B: "咩呀?! 個個係三婆廟呀!" 笑死我同mama了!

新好利美食餅店

Chapel of St. Francis Xavier, "宮"都係度拍架

我想黎好耐架啦~~

安德魯咖啡店, 路環

亞洲首創, 只此一家

回味無窮, 下次去再食

新帆船餐廳, 新馬路

特式忌廉馬介休
葡國雞w/心心飯
葡國腸

My new life

大家好呀! 有一星期沒有update一下我呢個blog啦~ 你地係未好想知道我返左新工之後, 有咩感覺呢? 好! 就等我同大家講一講啦!!

- 因為新公司剛合併, 公司將會裝修, 現在還是在度位的階段, 所以, 我仲未有我自己既位, 又未有自己既電腦, 又因為咁, 我暫時都唔會有太多野做, 我諗呢個honey moon會維持到年底......

- 大家最關心的當然係d同事nice唔nice啦! 雖然所有同事我都未認識得晒, 不過教我做野個個同事就好nice了, e.g. 我未有位坐, 佢就安排我同OA share個位, 其實老闆隔離有個位係日本同事落黎既時候坐, 不過佢都冇安排我去個度坐, 因為佢話:"我諗冇人會鐘意坐老闆隔離既"

- 因為未點有野做, 我都係做d簡單既野, 一邊做野, 一邊MSN, happy極了, 不過部腦就慢左d, 唔可以同一時間同幾個chat, 我驚同事行過收唔切 :p

- lunch time 由1230 - 1345, wonderful

- 5-day work, 每日都可以著causal wear

- 老闆都好好人, 只要你醒醒定定, 唔遲到, 佢就唔會鬧你, 仲好nice會有笑容的

- 新公司可以笑, 可以傾計, 不過唔好比老闆係out of lunch time既時間見到你食野

- 公司雪櫃有源源不絕既汽水飲, 不過我唔敢飲, 怕肥....

- 10月已經plan緊12月既x'mas party, 我當然報左名啦~ 雖然唔係Four Seasons, 不過Ritz Carlton都唔錯啦~~ 好似話仲會有第二個x'mas party喎... 多唔緊要的, 最緊要有禮物派~~ yeah!!

大約係咁多啦, 不過我個duty仲要打電話追數, 其實我唔係咁鐘意, 因為我好怕追到d惡定既客, 但又好好彩, sales會幫我, 而且有d 係send email 就可以了!

總括黎講, 暫時呢間公司值80分家! 你地放心啦! 我會好好咁同你地留意下幾時請人家! 放心啦!

P.S. 星期五同舊同事食飯, 佢地話我開心左好多, 好似飛左出籠既雀仔! 我都祝福你地快d可以飛出籠啦! 恭喜亞Ann, 你真係雙喜臨門, 又結婚, 又遞信, 你既人生有希望啦! 哈哈哈哈

朋友三級制

今日同朋友傾開計, 這是我的朋友三級制

3rd level ----> 有事先搵我 + 耐唔耐見一次

2nd level ----> 有冇事都搵我 + 耐唔耐見下 + 開心唔開心都同我share

1st level ----> 有冇事都搵我 + 耐唔耐見下 + 開心唔開心都同我share + 知我唔開心有煩惱會主動搵我 + 知我心意 + 我唔講出聲都知我想乜

fulfil唔到 + 黑我憎 + 心地差 + 卑鄙 --> 永世black list

Monkey Happy Birthday

壽星女, 生日快樂呀! 我祝你愈來愈靚, 愈來愈開心!

今次我地去左CWB既上樓cafe, 名我唔記得了, 食物一般, 環境不錯

走既時候睇門口既相先知原來好多名星黎過(我見唔到既)

張智霖都有黎過家喎, 勁呀!

little present

Thanks Iris~ I LOVE U

Last day

Last day 係星期六, 我6號遞信, 今日21號先handover, 大家可想而之, 羅茨威爾既處事能力啦?!

1:10 --> 先叫我show下我電腦既file放係邊, 每個file入面有d咩, 我問佢: "你想我每個講你聽? (語帶不耐煩) " 佢先話唔係, 之後叫我唔好熄電腦, 等佢一陣睇

我冇教佢用server save file, 大家唔好教識佢呀! 佢又會周圍曬野! 佢就係咁黑人憎, 佢呢個外星人, 地球人既電腦唔識用家~~ 自己識少少就係度扮勁, 未又係我教佢? hell~~~~~~

與徐徐食飯

今天夜晚同徐徐去TST食飯, 我地去茶布麻房, 我點左個辛辣拉麵, 辣死我啦! 之後又去左haagen-dazs食雪糕, 好味唷~~~

今次我地忘記影相, 對不起呀! 因為我今天忙了一日, 好累, 所以精神欠奉, すみません

下次再約啦~ 我下次會帶埋相機, 記住提我影相呵!

1.5 days left

過埋聽日星期六, 我就可以出宮了, last day愈接近, 心情愈複雜, 百感交集, 唔捨得但又因可以出宮同埋離開隻羅茨威爾(蟻的新花名)以興奮.

今日, 輪到隻羅茨威爾請我食farewell lunch, 佢還請了syron & 張生 (咁好死可能係因為黎緊我走左之後要syron幫手啦, 而張生就係syron既boss), 羅茨威爾係星期一已經約左我地了, 呢次請食飯事件, 又比我"了解"多一樣佢既惡行:

星期三
我: 羅茨威爾呀, 星期五我想請埋(trasy既) F先生黎呀, 好唔好呀?
羅: 吓... 唔好啦瓜, 哈... 四個算啦
我: 唔好啦, 請埋佢黎啦, 都冇幾可了, 最後一次tim啦
羅: 唔好啦....四個算啦, 而且syron都book左位啦, 你同F先生講左啦?
我: (我知syron未book) 係呀, 佢話冇問題, 咁係未未book位就book五個?
羅: e.....a......唉.....e
我: (我即刻跳出房問syron) syron~~ book左位未呀?
羅: (出左房搵file)
S: 未book呀!
我: 羅茨威爾, syron未book位呀, 係未book五個呀?
羅: (已經不理佢已經離開了房, 身處open area)吓? 唔好啦瓜? 四個好啦!
我&S對望: (做口形說) 死CHEAP精

1.5 days left (2)

星期四
張生, syron, 羅茨威爾在同一間房內講緊我走了之後syron幫手跟我既工作...
羅: syron咁你book位未呀?
S: 係未book五個呀?
羅: 吓! 唔好啦, 四個算啦?
S: 點解唔請埋F先生呀?
羅: (好stunned)....
張: anna同F先生好熟咩?
S: 熟過吓啦, 咁點解唔請呀?
羅: 要人地行咁遠黎, 唔好既
S: 咁未得羅, 你係度唔洗行, 等佢行過黎未得羅, 咁book五個啦喎
羅: 唔好, 人地係trasy, 我地係ITC也嗎
S: ....... (冇野好講)

大家可能唔明"冇野好講"係咩意思, 等我同大家解釋一下: 羅茨威爾有階級觀念的, 我地係亞媽公司, 以F先生係子公司, 唔同grade

死cheap精, 你真係cheap到冇人有, 又賤! 快d死返去你既外太空啦! 小心有報應呀! (不過可能一直都受緊惡報, 因為冇朋友) F先生話晒都同你並肩作戰過十幾個晚上啦, 你咁樣睇人, 真係賤到冇人有! 而且一個farewell lunch, 唔洗咁offical呀? 至少大家係同事, 一齊食飯分咩係未ITC者? 唔怪得你lunch time經常一個人食啦! 公司得一個人同你同一level (賤level), o個個未亞pat羅! 同你一樣賤, 唔怪得你間唔中都同佢食啦!

1.5 days left (3)

於是乎, 我同syron夠鐘就落酒樓點野食, 我地點左六個48蚊左右既點心, 再加羅茨威爾點既炒飯... 時間唔夠, 如果唔係可以再點多d, 食埋F先生個份, 鬼叫羅茨威爾衰也, 抵死!

因為聽日星期六, 唔係個個都返, 所以星期五就要派餅, TRASY一打, ITC三打, 我由4:30開始派, 派到5:30, 仲忙過做野! (笑) 著住對高跟鞋, 周圍跑, 出汗之餘對腳仲好累! 不過, 累得黎都好開心, 好好玩, 影相啦, 傾下計啦, 又好多電話打黎搵我祝賀我脫殼成功, 又miss左好多call, msn都唔得閒覆了! 嘩, 好忙呀, 好正呀, 久違左既感覺- 忙! 好懷念 (笑)

我一定要講既係, 我"乙水"得周小姐哈哈大笑, 亞pat黑晒面, 臨走都比我玩到佢, 爽呀! 大家唔洗多謝我喎~~ 我應該既!!

sandra, 感激你為了我調了星期六返來見我, I LOVE U, 大好き

Farewell Lunch

今日唔知點解, 隻蟻冇叫我落TRASY, 失望.... 雖然落TRASY就唔可以同ITC既同事一齊共渡最後相處既日子, 不過... 我真係好想離開隻蟻既視線範圍, 我相信ITC既同事會體諒我的! anyway, 最後都係要留係office, 好, 就造反比你睇!

大家都以我為榮, 因為我不斷向宮規挑戰: 傾計, 大聲笑, 講電話

lunch time 佢地叫左pizza hut & kfc 返黎一齊食, 嘩~~~ 好豐富呀! 有我喜歡的蜜汁燒雞翼, yummy! 多謝大家嘗面黎我今日既farewell lunch! 特別多謝係亞Ann, 因為佢係今次既搞手 (如有漏請諒) 還有Syron, Iris, Sandra, Doris, Irene, Mabel, Wendy, Kiam, Nancy & 賢姐!!!! 我好開心, 好感動呀! 說真的! 絕無虛言!

亞Pat金句 - 中秋節食月餅篇

你食先啦...... 你唔食先, 我點知個蛋黃係邊呀!

Farewell Lunch

佢地就係我成日講個間中環office既同事了, 星期一下午我早左5分鐘出街(造反了:p) 由金鐘行去中環佢地既office食farewell lunch, 好開心呀! 佢地真係好好人, 如果我可以離開皇宮黎呢個office返工就好了!

唉! 我走勒, 先比運我行, 星期二下午終於可以離開隻蟻黎呢度office返工!

我同埋internal auditor黎到trasy, 本來隻蟻都要落黎, but luckily, 佢比周小姐捉住冇得走! 呵呵

我地兩個人落到去, 個auditor就開始做野, 我就開始放肆! 我入左FC間房... 傾計傾足成個鐘! 嘩, 係金鐘BA點可以做D咁既事呀?! 我地傾到好開心, 笑到我塊面同個肚都好痛!

隻蟻真係好賤, 祝佢可以係呢度打足一世工啦, 娶"事業"做老婆!

但最最最開心既係, 星期三今日, 我自己一個人直接返中環, GOOD~~ auditor請左假唔返, 我就係中環做好野先返去金鐘, 冇4點都唔返啦~~ 哈哈! 今日lunch time, FC同埋另一位a/c既同事, 就同我去左飲茶farewell我..... 飲左兩個鐘! 哈哈哈哈!如無意外, 聽日同後日我都會落去, 而隻蟻就繼續留係皇宮, 做佢既太監!