"再見"二字很難說

轉眼間已經到了在mitsui工作的最後一天, 好像上星期才遞上辭職信... 同事們都很有心, 為我安排了farewell lunch, 今次, 我真的要離開金鐘了... 本來想請同事吃西餅, 不過一來這公司一直也沒有這慣例, 二來今個月超級窮困, 所以最後都沒有買到, 誰想到, 接近放工的時候, Pricilla&Christy拿著兩盒西餅加一個蛋糕走來, 說是大老闆買回來的, 感覺再次受寵若驚, 那一刻真的有點淚光, 感覺上我好像欠了公司及各位同事們很多, 由第一天到這裡工作, 直到最後一天, 都覺得我得到的比其他同事得到的多... 到最後一刻真的要離開了, 再次發現"再見"二字很難說, 感覺將來大家好像都沒有機會再見了, 很傻的想法呵~ 有心見, 什麼時候都可以見, 不過, 有時真的有心無力, 希望下次見面的時候不要撞期了! 我臨走的時候送了一份小禮物(頭飾)給Pricilla, 雖然是一份很便宜的東西, 但都希望不要厭棄了! 至少也能給她一份驚喜, 最後, 真的很多謝大家的好呵~ ありがたいことです。

剩下三天

在MITSUI只剩下三天了, 突然覺得好唔捨得, 唔捨得咁多咁NICE既同事, 唔捨得咁嘆既工 :P 同佢地食埋兩餐farewell lunch, 就要說再見了! 諗返起, 我諗做左半年, 先同佢地食個兩三次lunch咋.... 不過, 學D同事講: <人望高處, 水望低流> 人始終要有進步, 如果再咁得閒, 我怕同社會脫節呢! 而且, 我相信, 就算唔再係呢間公司做, NICE既同事唔代表就會自此消失, 有實例為證呵! 呵呵!

今天已經是上LEGAL既第二堂... 好多東西要看要記! 現在的感覺是想死, 頭髮又未乾, 幾時先可以訓覺呀?! 我真係好佩服讀LAW, 做律師既人, 佢地個腦容量係未有1000GB既? 每個人天生就有唔同既本領, 以我, 就只有對數字有興趣吧!! (數銀紙? HEHE) 算啦! 都係準備訓覺, 再係咁意吹一陣頭啦! goodnight, my buddy!!

Farewell Lunch @ Hal's

3月1日我地同我地即將回日本總公司的老闆到Hal's Japanese Restaurant食farewell lunch. 同事話呢間野好巴閉架喎, 要訂位食飯? 你講廣東話既就話冇位, 要達老世名出黎先book都位喎! 好, 就等我試下你d野有幾好食!

去到Hal's, 周圍都係日本人, 我地一行20人, 有13人都係叫左個漢堡八定食, 好大塊好多汁呀! 好味! 不過唔好味我一定拆佢招牌! 因為個定食, 都要成$150! 唔好食你話係未要拆佢招牌先? haha

不如講下個新老闆啦! 佢都係日本人, 不過我地唔可以再係佢面子亂講野了, 雖然佢只識講簡單既廣東話, 不過佢好似都聽得明我地講咩... 唉! 不過佢都好nice既!

(舊)老闆, 你返日本, 可唔可以帶埋我呀?? haha

Mitsui Annual Dinner @ Sorabol

星期四晚我地個邊office去左sorabol食annual dinner, 好開心, 食到好飽, 飲到有少少醉! 可能好耐冇飲過酒, 飲左三杯韓國lemon sake, 頭有少少暈了! 飲飽食醉後, 當然唔少得抽獎啦! 我抽左兩份獎, 15th & 16th獎, 總共抽到$2400 cash + $600 parkn coupon! 開心死我啦~ 係我最窮困既時候, 就比左二千蚊我救急, 令我鬆了一口氣呢!

今晚我地個新老闆都黎左, (因為我地公司係每5年換一次老闆的) 佢好搞笑家, 佢連 "佢咪(貓)左啦" 都識講, 又講左好多廣東話, 好好笑呢!

今晚, 令我見識到, 日本人, 工作既時候好認真, 玩既時候都好投入, 要"斷背", 唱歌, 跳舞, 佢地都會去做呢~

Happy Birthday to Me

估唔到公司會買個cake比我, 個個同事都話我好彩, 因為舊年d同事都冇生日蛋糕啦架, 我係第一個, x'mas party又抽到獎.... 唔通我真係有運行??

X'mas party

感覺係未好似"宮"呢? haha

上星期五, 我地MITSUI HK係Ritz-Carlton擺左16圍, 搞左個x'mas party!

我用左我半桶水既日文, 同一個由深圳落黎既日本人同事傾下計~~ 呀! 日文真係好難呢~~

當晚我最開心既係, 係我無預期既情況下, 抽中左一部portable dvd player! 初時叫我個number既時候, 我以為自己聽錯係ninety, (我的是19號), 但佢叫埋我個名既時候~ woo, 係我呀! 多謝晒!