巴西燒烤

今日預左班朋友仔一行七人一齊去左CWB的巴西燒烤去食自助餐, 我有備以戰架, 朝早食左半個麥記餐, 之後就去左做GYM, 再行陣街抖下, 就去攻占巴西燒烤了!
點講呢? CWB的分店係好大間既, 好多人羅, 所以如果講氣氛的話, 我就覺得TST樂街會好好多了! 如果下次有機會, 可以到TST再試!
可能我的"病毒"太利害了, 弄得其餘六人都進入左瘋癲狀態, 大家都"脫軌"了! "要成隻羊脾可以嗎", "綠茶雪糕", "波羅", "雞翼", "橡根蟹".... (不說得太詳細了, 我們七人知道便可) HOHO, 好開心呢~~ 最後都唔知係食得飽, 定係笑到飽了, 個肚同塊面抽到痛晒羅~~ HOHO

HAIR CUT

很久沒有剪髮了, 原來上一次是在5月, 是舊年的5月, 哈哈, 超耐吧! 原本我就安排好星期五早放工之後去處理一些事之後再到CWB剪髮, 不過, 今天的電腦長期使用者是我的爸媽, 一下子沒有電腦工作, 唯有去剪頭髮吧~ 靈機一觸, 不如到apm試試吧! 打電話約好了3時, 去到仲係full house, 最後閒逛到4時半, 準備走上去看看情況之時, 電話就來了, 說ok啦~

上到去, service好好的, 首先問飲咩, 之後就搬來一部DVD機, 再問你要看什麼碟, 超好笑! 個頭足足整左6個鐘呀! 不過整完我都覺得好搞笑, 遲D整返張相上黎比你地睇啦!

整體黎講, 呢間野都唔錯, 你地有興趣可以去試下! 如果你地唔想JOIN會既, 講我電話出黎就有DISCOUNT啦!

Shop: IL Colpo Group
Stylist: Perry Lai
Tel: 3107 0888

Offsite Training @ AMC

0745, 在金鐘集合再轉乘專車. 0810到Aberdeen Marina Club食自助早餐. 0845 聽Monica Wong 講 opening speech. 0930 就開始玩lu~~~ yeah! 呢個training並唔係同我工作有關, 係圍繞teamwork, relationship個d羅~~ 不過全日不在狀態, 因為我今日6點起身呵~ 1230食lunch buffet, 跟住又玩下game 1530食tea.... 直至1700先係最高潮, 30分鐘內要作/改一首歌及用紙做一座表達我地team既東西, 大家都好似係度鬥高咁, 不過當然, 我地高得黎又穩陣, 根基打得好, 有組既作品係我地未表現完之際就倒塌了! 1730散band

後記: 遊艇會入面真係幾靚, 聽聞入會費是千萬元左右一年, 一世人都冇乜機會入黎lu, 不過我覺得唔夠Ritz Carlton靚! 今日食得好飽, 飽到夜晚都冇咩胃口了! 又攰又眼瞓呢~~ 不過今日都玩得好開心就冇錯既~~ 攰都有價值!!

Training tomorrow

Tomorrow we will go here for our offsite training, I'm looking forward to go there ne, and.... their breakfast and lunch, OMG!! I can't wait anymore! :P

Ben & Jerry's again

今個月揀左Strawberry Cheesecake, 大好き。

P.S. 我過左probation啦! 時間過得好快呢~~

S.H.E. 五月天

Amazing Japanese

New joiner session

星期四係我地班新仔返總行聽耶穌的日子 (即係介紹公司諸如此類的東西), 當日, 竟然比我撞到我的中學同學謝X明喎~~ 哈哈, 當我問佢係未叫做謝X明的時候, 佢好愕然呀! 因為, 佢唔認得我係邊個呢~ (其實有好多中學同學都唔認得我了, 就連老師都係) 之後我又再問佢係邊度返工, 原來佢都係太古城, 不過就係我樓上! 真巧合! 我突然有種好興奮的感覺, 因為我好少係街可以撞到熟人, 我會覺得, 遠離左自己生活圈子的人, 原來其實都係你身邊生存著, 感覺很古怪但又有趣!!

之後夜晚我約左同事一齊去左FOOD EXPO, 哈哈~ 我地不斷食同飲, 鮑魚麵, 魚肝油丸, 咩咩維他命丸, 蜂蜜茶, 各種味的湯, 意大行粉, 多種味道的麥皮, 排毒產品, SAKE, 豆漿, XO醬撈飯, 薯片, 冰皮月餅, 冬姑..... 多到唔記得自己食過D咩, 我地只係不斷食, 不斷說, 怕唔怕肚ALL呀? 但講完之後又將食物往咀裡送~~ 好好玩呀! 我都買左D要加熱煮既麵同埋日本咖哩! 今次係我第一次去FOOD EXPO, 其實都好好玩呀!! 下次再去羅~~

清亭燕萍越南菜館

請問大家是否知道清亭同燕萍合併了嗎?

這是自合併以來, 我第一次光顧, 味道一樣是好好味, 最唔好的就是串燒, 縮水到過份了一點吧!!

牛油雞翼$46

扎肉卷$25

串燒x4 $29

咖哩雞煲w/麵包$53

馬拉盞炒通菜$38

香茅豬八撈檬$30

飲品x3 $56

考完試lu...

終於考完試lu... 額上因為考試壓力以長出的瘡瘡, 都開始謝了! 今次既考試我並冇信心呢~ 所以唔合格既機會一定好大, 畢竟只得40%合格率, 我邊有咁大本事呢~~ 所以呢, notes同我的筆記, 都好好咁收起.... 留返下次用也嗎~~ 哈哈

一考完試, 又係我重新調整我個schedule既時候, 今年下半年好像好多事要做呢~~ 做gym都已經成為我最大的目標, 希望一星期最少兩次啦! 之後又要好好咁計劃一下點放年假, 係喎, 要搵下去台灣玩既行程呀, 我到以家仲諗緊, 去亞里山好, 定是去墾丁好, 亞里山可看出名的日出, 但墾丁又可去台灣最南的燈塔 (還有美色:p) 好煩惱呵~~ 諗起又可以自己一個出發, 感覺有點興奮呢~~ (難道我是自閉嗎?) 可能將來我老了又無伴時, 會經常咩起背囊就去旅行了! 不過, 有伴和冇伴都係兩種感覺, 兩種我都喜歡呢~

多謝帕布Pabuk

今天lunch後回到公司, 做乜咁熱鬧呀? 原來就快掛8號風球了! 大家都好興奮而且公司突然變得好熱鬧呢~~ 感覺就像星期六上班一樣輕鬆! 多謝帕布! 今日可以放早呵~~

我最憎就係背一d讀左都唔知講咩既野! damn

下星期一就考試啦... 仲未背好, 我已經冇心機溫啦.... 講真, 我睇晒一次, 都唔知自己睇左d咩羅~~

我成個星期既心情就係"比心機溫; 唔想背啦; 唔得啦, 就快考試要快d溫啦; 唔想溫啦, 唔合格算啦......" 哈, 心情仲煩過暗戀人想放棄但又唔可以既心情羅~~ 現在我只知自己好眼瞓好累, 溫到有反胃同爆腦既感覺.... 呢科仲煩過auditing呀, auditing我都做過都知係咩啦, law?? 我唔係想扮鐘嘉欣/林峰喎~~ 放過我啦好唔好???????????????
.
.
.
.
.
.
發完牢騷啦~ 以家去溫書啦 <--- 女人真麻煩 -_-"

'Where there is a will, there is a way.' If you really want to do it, you CAN!

做運動, 身體好!!

今天相約同事一起去做gym, 哈哈~~ 絕對係向我的體能挑戰, 因為足足做了3個鐘, 流左好多汗呢~~ 我地兩個都有共同目標, 就係要減肥啦~~

我會繼續努力架啦~ 我要係年尾前唔見左個肚腩! 所以下星期我地又再去羅~~

不過, 因為做完實在太肚餓, 於是就同同事去左呢間位於CWB的御家, 食物都唔錯, 價錢中等, 而且還開到0100添喎~ 我地兩個一邊食一邊講, 都傾左成2個幾鐘呀! 而且發現大家都係傻傻地家, 哈哈, 笑到我塊臉好痛呀~~ 下星期去做GYM, 我地不如一邊講一邊笑一邊做, 減肥見效都快D呀, HAHA!

P.S. 做GYM好累的, 不過做慣左, 就會有好大的分別啦~ 所以, 大家要努力做運動呵~~

Today is...

Today is Banana & Kiwi Fruit

@v@

New benefit

公司最近加推一項新既benefit, 我相信如果你們是我的話, 聽到這個消息, 都會好像小朋友般欣喜若狂了... 以這項新benefit, 就是每月的其中一個星期五有雪糕食, 另外每星期一及三都會有一個生果, 係未好開心呢?

這都是前兩天星期五才開始的事, 星期五那天, 大家都不知道究竟會是什麼牌子的雪糕, 有些人估是牛奶公司(畢竟公司有很多人, 一定不會是貴價貨了吧), 有些人估是DREYER'S, 那我就估是有雪糕車來, 一人一杯吧~~ 哈哈! 整個下午, 人人都期待著雪糕的來臨, 直到tea-time時間, 我收到可靠消息, 原來是BEN & JERRY'S呀~ 我立刻發放消息啦, 令我們更加之期待了!!

到了大約5點, 我們其中兩個老闆親自到來, 逐team"邀請"我們到pantry取雪糕 (嘩~~ 個cost好大喎~~)

個個都食得好開心呢~ 我都好期待下個月的雪糕呵~~

P.S. Harry Potter 已經看完了, 內容我便不多說了, 要看的請自行買書或問我借啦! 成本書都不乏佛地魔的出現, 都幾緊張的, 不過, 看了好像不多夠喉, 有很多都只是交待了就算 (我想知詳細既過程呵~) 兩人決戰時過程太快了, 有些人物死了覺得可惜, 有些事情又很感人/安慰, 600頁實在太少了吧~~ (要賺我們錢都要有一點良心呀!!) 1500頁就差不多! 書後尾部是全書最好笑的地方! 書已經大結局了, 現在可以追的就只剩下電影, 有一點空虛呢~

PIZZA HUT 下午茶餐

唔知大家有冇去過PIZZA HUT食下午茶餐呢? 今次我想介紹既係其中一款<意式烤雞籃>, 真係好好食家~ 呢個餐係FOR2人的, 不過2人食又會唔夠飽, 所以可以再散叫一個麵就剛剛好了, 大家有機會不防一試呵~

今天要取書了...

今天是哈利波特出書的大日子, 心情就像上一集的一樣, 知道將會有重要人物死, 不敢看, 而且今集更是大結局, 怕看完會有嚴重的失落感... 就好像愛情一樣呢, 未得到的永遠是最好.... <好玄喎??>

昨天有朋友竟然想考驗我是否哈利波特的超級粉絲, 哈! 你好像找對了人啦! 不過, 我就不是一個超級粉絲, "中階"的問題都可以為你解答, 當然到最後, 全部我都可以答到啦, 不過有一條就唔識, 就係"妙麗的爸爸媽媽係唔係麻瓜? 如果佢地唔係魔法師, 點解佢地又認識霍格華茲呢?" 如果你地識答, 請告訴我吧! 我懶得看書呵~~

講開看書, 唔知今次呢本有幾多頁呢? 聽聞係7本中最厚的, 我希望可以在三天內看完啦, 因為要開始準備考試了, 而且有些懶/沒時間看書的朋友們要我
講故事比佢地聽呢~ (喂! 每6秒6毫也下!!)

好啦! 我要準備出街啦, 要去"迎接"(取)這本又愛又恨的書了, 而且還要去食"賣飛佛"的pizza hut, 呀, 還想去買一對平底鞋, 還想看銀包, 又想買一件外套.... 今天是不是太過忙碌吧! 阻擾我看書的時間呵~~

P.S. 哈利的IMAX電影還未可以去看呵~ 因為我的朋友仍然未知8月會在那天放假, 佢真可憐呀!

飛輪海 香港迪士尼廣告

新歌update

S.H.E. 五月天

S.H.E. 謝謝妳的溫柔 (合唱飛輪海)

タッキー Crazy Rainbow

Harry Potter @ Macau Tower

吳尊發惡了..... 原來都是為了....

齊來買書啦喂~~

這本書是我的死黨馬騮出家,

請大家到就近既書局買啦!

佢畫的公仔漫畫就係好靚家!

就算大家唔買既話都到書局羅住扮媒呀! 知唔知道?!

而且我相信你地睇完之後,

都會買一本的! 好冇? 乖~~

吳尊在日本的訪問呵#5

張敬軒扮陳曉東唱"劃火柴"

看完有點火滾, 那位張生, 實在太過份了! 自己未又唱到斷氣!! 快滾回那位"只問架仔點解唔講野又鐘意聽真心話"既人身邊一齊做宣傳吧! 學亞東話齋: "夠膽說我鼻孔大?? 想死? 當大家看看下面這條友就知我的鼻孔還是適中啦﹐下次見到你唱你首 HURT SO BAD. 給我唱一定發。"<取自亞東在BLOG的說話>

TV Show on TVB Pearl

最近Pearl台播了或將會播出很多好看的節目或drama, 例如現在逢星期二播的Prison Break 2, 星期四晚的Ugly Betty, 星期六的Hell's Kitchen... 以我所知, 還將會播出日劇14歲的媽媽, 及來至美國的HEROES, 這兩套是我NANA推介的, <14歲的媽媽> 是講述親情, 哭得我半死, 另外就緊張得要死, 劇情緊張刺激! 還有星期六晚11點在亞視播的韓劇<葡萄園裡的男人>都不容錯過呵~