行程: 吉祥寺-->原宿-->新宿
我地今日係脫離成團人自己出黎自由行, 因為跟團要去hello kitty land呀, 台場呀, 睇彩虹橋呢d唔好玩既地方, 所以我地就由石和溫泉站坐車出返去東京勒! 今日好凍呀! 係未零度呀?? 由酒店行到去車站需時15分鐘, 不過mama的手都凍到敏感了! 第一站係吉祥寺, 每次來東京都必到, 因為我同細佬都好鐘意食呢間松板屋既炸肉丸, 不過mama食左好似冇咩感覺喎~ 我同細佬就食到津津有味! mama係未已經掛住shopping啦?? haha!
食完炸肉丸, 就到原宿shopping勒! 原宿係我細佬鐘意去既地方, 因為只有呢度佢先可以買到特別既衫, 我本來冇諗過買衫家, 因為我會覺得同香港差唔多, 不過我都忍唔住買左一件, 沿途見到我至愛pancake, 不過一陣要食長腳蟹, 所以都係忍下口了, (不過去到最後一日都食唔到pancake, 因為冇時間買.... 我唔制呀!!!!! :( ) shopping完之後, 就出發到新宿勒!
出到新宿, 真係好大呀, 搵唔到食長腳蟹既地方, 於是問個途人點去啦! 呢位女途人好nice呀, 佢直情打我地行去, 不過.... 佢都唔識路, 最後佢都要問人之後再帶我地去, 佢係一個唔識英文既韓國人, 我諗係留學生了, 我又再用我唔咸唔淡既日文同佢溝通, 佢沿途都係捉住我隻手帶我行, mama & 細佬就係後面跟住, 終於都到啦, 我個心萬分感激, 都忘記其實我應該羅佢既email, 直到mama問好唔好問佢羅email之際先識得講"係喎", mama去追佢, 但佢已經消失係人海之中了....
到左蟹道樂, 我地三個都變左豪客一樣.... 要隻北海道長腳蟹啦! 一蟹三食, sashimi, 磯燒 同埋 烚熟. 三種食法, 烚係最好味, 連豉油都唔洗就已經好鮮甜多汁, 嘩... 好味呀~~~ 我每次去日本都要豪一次!! 一隻蟹三個人食都飽家, 埋單只需22,000yen啦, 大概HKD1,500, 其實都唔貴呢, 好過同導遊買, 好似都要20,000yen得隻蟹! 我地多左個環境啦, service啦, 同埋每人一杯酒! 不過日本食野唔同香港, 香港要收茶介等等既雜費, 不過日本就冇勒, 我行去埋單既時候, 我仲諗住我地黎到坐低個陣佢比左每人一杯酒, 會唔會有另外收費家, 點知最後都係只收隻蟹既價錢, GOOD!!
好勒, 食完蟹, 就去shopping啦! 我同細佬當然去睇玩具, CD等等既野, MAMA就行去百貨公司shopping, 約定mama係0101門口等, 我地就解散了! 到左約定既時間, 還未見mama, 過左成15分鐘, 我地兩姊弟開始驚啦, 驚mama比人捉左去, 又或者迷了路, 接近同導遊集合既時間啦, 還未見到mama, 我地兩個開始焦急了, 我打電話給導遊又打唔通, 由第一層搵到第九層幾次又搵唔到mama, 細佬係門口等極又唔見人, 我好擔心呀, 驚佢比新宿既黑衣人捉左佢做咩咩咩, 唔知點賠返個女比人, 新宿咁大, 佢去左邊呀?! 好啦, 又逐層搵啦, 都係唔見人... 係我準備行返去集合地點既時候, 我見到細佬急步向我個方向行黎, 心諗: "唔通已經搵到mama??" yeah!! mama出現啦~~ 擔心死我啦!!!! 原來佢去左..... basement..... -_-"
好啦, 出發返酒店等導遊啦~ 沿途其實都好大風, 去到酒店附近更加大風, 可能個人又累又病緊, 所以覺得好凍, 好想坐TAXI... 好到酒店LOBBY, 三條死屍坐係度等, 等等等, 佢地遲到呀!! 要我地等左差唔多一個鐘, 之後上秀放好行李之後, MAMA就去沖涼, 我同細佬又出去搵野食, 酒店附近都好多野行, 我地買左兩盒"松屋"既BBQ豬肉飯同埋漢堡八飯, 之後又去便利店買下野飲, 行下藥房, 之後就返酒店慢慢享用了
住宿: 新宿京王酒店
No comments:
Post a Comment