行程: 淺草-->秋葉原-->池袋-->新宿
本來今日行程會去埋築地, 不過因為太累, 想訓多陣就取消左了 (都唔知算唔算好彩, 可能去左會感染到諾沃克病毒)
落去食早餐先, 嘩~ 英式早餐, 賣飛佛呀!! 我諗我食左有3份早餐咁多既份量!! 太好美啦~
食完個美味早餐, 我地就出發去淺草, 淺草次次黎日本都黎, 可唔可以下次唔好黎呀?? 不過又唔得喎, 因為我好鐘意食佢地個度既人形燒, 行完一個轉, 我地去左個度好出名既"三定"食天婦羅! YUMMY!! 食完就出發去秋葉原了
秋葉原係賣好多我同細佬都鍾意既ANIMATE既野, 初時我地兩姊弟都怕會悶親MAMA, 但係, 鐘意shopping 既MAMA 都竟然係秋葉原買到野, 就係兩隻錶比佢既媽媽&爸爸勒, 我同細佬就買唔到心想要既野呀, 不過都好, 我地掃左幾隻CD同埋DVD, 都算有收穫啦!!
行完滿街都係電車男既秋葉原之後, 我地就去池袋了, 去東京唔去池袋, 一定對唔住自己, 不過唔知係未我病呢, 又累, 冇乜精神去行同埋買野, "三番館"既拉麵都未食喎~~ 好想食, 但係個肚既容量有限呀, 只可以食炸彈丸, 呢樣都係我同細佬極至喜愛的小食, 必食!! 快速及簡略地行完個池袋之後, 我地就返新宿食DINNER了!
不過食DINNER之前, 我地當然要親舖頭未閂門之前再衝刺啦! 行到D百貨公司入面既小姐們都走出黎躹躬, 我地先捨得離開! 我地帶左MAMA行歌舞技丁, 其實我地係想搵野食者, 三個都行都想死, 都搵唔到, 當想放棄既時候, 靈機一動, 不如行埋前面個街口先啦, 柳暗花明又一村, 博多拉麵就在眼前, 諗都唔諗直衝入去, 三個呀唔該! 我地被安排到坐係老闆面前, 睇住佢煮, 我細佬話要加底, 老闆即刻遞張割引卷比我地, 無料! 我同細佬都加底相信大家都唔會出奇, 不過, MAMA都要呀, 仲食晒添呀! 勁!! 可能大家呢兩日都用左過多既意志力, 所以做出左好多超乎常理既事啦~ HAHA
食飽之後又死返去酒店, LAST NIGHT啦, 大家都好唔捨得, 7日真係唔夠玩呀!
住宿: 新宿京王酒店
No comments:
Post a Comment