日本的第二天 (26/12)

日本環球影城

出發前上網睇過, 第二及三天都會落雨, 當我知道左之後, 真係好掃興家!

今日係我第一次去universal, 期望都高家, 不過玩左半日, 就開始落大雨啦... :(
真係好掃興呀! 我同細佬用一把傘, 又落雨又凍, 冇晒mood, 我諗如果冇落雨既話, 一定會好好玩!
不過我發現, 大阪人喜歡打"尖", 好似去左china呀! 東京人就唔同啦, 因為佢地就算幾多人都會乖乖咁排隊...

我地今日玩左Spiderman, Shrek 4-D, Backdraft, Terminator (由最好玩指數順序排列), 之後又睇左個show WATERWORLD.

我地玩左1700左右, 就行返去場外的旅遊巴上車, 等齊人返酒店解散. 我抹乾淨身上的雨水, 就迷迷糊糊咁瞓著左lu... 清醒既時候已經要落車了, mama話原來又因落雨塞車了, 不過對於我黎講, 冇所謂啦~ 因為我要叉足電呢~

去到酒店解散, 我地再去心齋橋血拚, 血拚完畢, 我地就到酒店對面的四大天王拉麵館進發.

拉麵拉麵, 我愛你! 你知唔知我有幾掛住你呀? 有幾想帶你返屋企呀? 大阪既豬骨湯麵特別濃, 特別香! 連初次嘗試既mama都忍唔住講一聲:"好味!", 之後不斷飲佢既湯~~ 湯湯果然正呀! 哈哈!

唔知係未今日淋過雨, 令我的傷風惡化, 咁我就開始左拾下拾下既旅程...