日本的第四天 (28/12)

行程: 平和公園-->富士急動感樂園

一早起身, 但係我地三個都係最遲落去食早餐既一組, 落到去食堂, d人都差唔多食晒野, 不過我地寧願訓多陣, 因為山梨縣既溫泉酒店, 你想食得好住得好都好難, 至少我覺得早餐唔多like, 食左個飽, 炒蛋, 飲杯燈汁就算!

今日節目唔係好多, 又或者我係病到弗弗下, 去左邊到都唔記得, 我只記得我好多時都係係車到訓覺! 朝早去過平和公園, 冇乜特別, 不過最難忘既係去汽水機個度, 我地每人買左罐紅豆湯, (又係離不開食), 超好味呀! 好甜, 好熱, 好暖! 今日既天氣好似只得一兩度咋! 所以飲完之後, 暖粒粒.....更好訓!

中途忘記發生咩事了, 都話病到弗弗下落!! 有記憶既時候係接近富士急遊樂場既時候! 導遊先生話我地一定要玩下個鬼屋"超・戦慄迷宮", 要玩40分鐘左右, 而且因為設計失當導致有人仆死過, 所以就拆晒再起喎~ 出發前我應承左我細佬, 會同佢一齊玩 (如果大家清楚我既, 都應該知道, 我咩到唔怕, 但就最怕鬼...) 因為我以前冇咁怕鬼既時候, 我玩過一次, 驚嚇度係10! 不過今次, 我括左出去, 諗住死就死啦既心態, 向自己既界線跨過去! 真係要有好大勇氣先可以做到!

mama當初就話會同我地一齊玩鬼屋, 但係當佢聽完導遊講話鬼屋要玩至少40分鐘既時候, 唔知點解, 佢d數學突然叻左好多, "鬼屋玩40分鐘, 過山車玩2分鐘, nana呀~ 我想玩過山車呀!" 呀~~~~ 你竟然唔玩鬼屋?? 你唔陪我, 我好驚家喎! 細佬一定會嚇我家!! 不過, 當我聽到你自動舉手話要玩過山車既時候, 我真係好驚訝的!

去到先知, 全世界最長既過山車"FUJIYAMA"因為大風以closed左, mama就話要玩時速172km既過山車"ドドンパ"! 今次好好彩呀, 唔晒等3個鐘就有得玩, 而且仲係坐最前個卡, 玩呢個過山車一定要坐最前先有速度感家! 一彈出就已經172km/h, 隻手甚至個頭就好似比鬼壓咁動彈不得, 當隻手有知覺想舉高撥頭髮之際, 你眼前已經見唔到條路軌啦, 係0.0001秒間, 眼前既景物已經由無左條路軌只見藍藍的天空, 轉至有好多蟻係地面的景象, 未回神, 已經直角90度向地下直衝~ wo!! 爽呀! 有幾好玩, 睇下呢度先啦~

之後我同細佬就玩鬼屋了, 未玩就已經震, 係凍到震! 鬼屋樓高三層, 以醫院為背景, 首先要係陰森恐怖的大堂睇個滿衫都係血既女護士up一輪日文, 之後就帶我地入房睇一後短片, 因為我之前玩過, 所以我知道睇完就會有野係上面跌落黎, 個個架仔架妹見到我向上望, 都知道唔會有好野發生, 成套戲我都冇睇, 雙見緊閉, 最後開晒燈, 原來真係有野跌落黎, 不過就冇以前咁恐怖了. 最恐怖既現在先開始, 我同細佬二人一組, 首先係比佢嚇一嚇再影相, 不過我個樣已經一早驚到冇表情了! 之後就進入樓高三層既迷宮, 漆黑一片, 只得一支就快冇電既細電筒, 成個過程唔多講了, 總之係會有人突然走出黎嚇你, 血淋淋, d鬼聲好似鬼片入面咁迫真, 每次見到, 我都尖叫大叫 (原來我可以叫得好大聲家~~) 我行到第一層, 我雙腳真係軟晒, 我連企都好似冇力企咁, 腳仔軟, 行唔郁啦, 我靠牆企左陣, 同細佬講, "我唔玩啦, 好驚呀, 我行唔到啦" 點知細佬竟然安慰我, "假家, 平常心玩啦, 人扮之麻" 好啦, 企多陣再行啦 (我地玩得好慢, 連後面兩組人都追上了) 全程我都背住實心牆行, 捉緊細佬隻手, 我雖然知道係假, 但真係好驚, 我怕真係有鬼! 沿途聽到前面傳黎尖叫聲, 心諗:"死勒, 又黎啦" 有一次我更聽到個架仔同d鬼講:"すみません(對唔住呀)"

行到最底層了, 到最後一條直路了, 周圍都好靜好黑, 我知一定唔會咁簡單, 我同細佬講, 我唔望啦, 我咩埋眼, 你帶我走啦, 行冇一陣, 我聽到後面傳黎鬼笑聲, 我一路同自己講, 假家假家, 最後出左迷宮, 見到太陽啦, 我安全啦! 事後細佬同我講, 一d都唔講, 最驚係我係咁捉到佢實一實之後尖叫..... ^#&^#@&$^@#&$^*^$

之後再去玩ええじゃないか, 新架, 正呀! 爽呀! 玩既時候只要放鬆, 你就可以感覺到太空漫遊既感覺啦! 有幾好玩, 自己睇下啦!

玩完之後搵返mama, 之後就向住衣浦グランドホテル出發食懷石料理勒!

P.S. 今晚同MAMA一齊浸溫泉, 親所以人都係食堂食緊dinner既時候, 我地三隻野以極速完成我地個晚餐, 就飛奔去浸溫泉了! 今次我同mama都係第一次, 肉帛相見.... 唔! mama, 我會負責任架!